البنت الحلوة ، ما بيعجبها أي شب ، بتكون تبحث عن تفاصيل وصفات معقدة بالشب ، لازم تتوفر فيه مشان تحبه وتعطيه قلبها واذا توفرت فيك هاي الصفات
الثقة
الحلوة ما بتثق بحد بسهولة ، بتبحث عن الشب الي ممكن تثق فيه ، وبمجرد انها منحتك الثقة رح تحبك وهي رح تطلب تحدد موعد لمقابلة رومنسية معك
الحقيقة
كل البنات هالأيام وبالأخص الحلوين كثير ، نفسهم يلاقو شب حقيقي وما بلف وبدور ، يكون واضح معاهم.
النجاح
الشب الناجح هو فريسة ممتازة للبنات الحلوين ، بس انت لازم تكون لبق لما تحكي عن نجاحاتك وما تتباهى لانها رح تفكرك مغرور
مُقنع
انو البنت تلاقي شب يقنعها بحبه وبحاله هاد شي كل البنات بتمنوه ، وخاصة اذا توفرت فيك انت كل الصفات الي حكيتها
الأمان
هاي الصفة موجودة في الشب المثالي للبنت الحلوة ، وانها تحس بالأمان في كل الحالات هاد شي كثير ممتاز الها ورح تحبك
هلأ اذا انت فيك هاي الصفات ، رح تعرف احنا عن شو بنحكي بالضبط ، ولكل الشباب اذا انت بتقدر تكسب هاي الصفات رح تحبك كل البنات ، ورح تكون حبيبتك عندها نفس الصفات وهي أحلا بنت عرفتها بحياتك.
هل اعجبك الموضوع ؟
ليست هناك تعليقات :
إرسال تعليق